Xelkê navçeya Şedadê ya kantona Hesekê ji bo veşartina cenazeyê endamê Hêzên Komando yên Hêzên Sûriya Demokratîk (QSD) şehîd Şiyar (Hemîd Silêman El-Cedûa) ku di 8'ê Kanûnê de dema erka xwe pêk dianî şehîd bû, berê xwe da Goristana Şehîdan.

Di merasîmê de endama Meclisa Malbatên Şehîdan a navçeya Şedadê Ehlam El Hemûd axivî û sersaxî ji malbatên şehîd re xwest û got: "Şehîd sembola qehremanî û dilsoziyê ne û em soz didin wan ku em ê heta serkeftinê şopdarên rêya wan bin."

Ji fermandarên QSD’ê Ode El Hisên axivî û sersaxî ji malbata şehîd re xwest. El Hisên soza domandina têkoşînê heta pêkanîna xewn û hêviyên şehîdan û gihandina Sûriyeyeke demokratîk da

Wesîqeya şehadeta şehîd Hemîd Silêman El Cedûa hate xwendin û radestî malbata hate kirin. Pişre cenazeyê şehîd di nava tilîliyên dayîkan de hate veşartin.