Şêniyên navçeya Tirbespiyê ya kantona Qamişloyê beşdarî merasîma cenazeyê Amir Bekir(Şaristan Imêrtat) bûn.

Merasîm li Goristana Şehîd Dilşêr a navçeyê hate lidarxistin. Li pey merasîma leşkerî ji fermandarên YPJ'ê Rûken Azad, endamê Rêveberiya Meclîsa Malbatên Şehîdan Mihemed Zekî Îbrahîm û birayê şehîd ku ew jî şervanê YPG'ê ye Mihemed Bekir axîvin.

Rûken Azad û Mihemed Zekî Îbrahîm sersaxî ji malbata şehîd re xwestin û gotin ku şehîd sembola hezkirin û aştî ne, ji ber di oxira jiyaneke azad û ewle de canê xwe feda kirin.

Birayê şehîd, Mihemed Bekir jî got: "Rêya şehadeta li pêşiya me hemûyan e. Em tevlî vê hêza pîroz bûn ku em gelê xwe biparêzin û wan dûrî çeteyên DAÎŞ'ê bixin. Di heman demê de, em biratiya gelan di navbera gelan de xurt bikin û destketiyên ku niha li Rojava û Bakurê Sûriyê hatin bidestxistin bi saya şehîdên me ne."

Piştre belgeya şehadetê ya şehîd hate xwendin û radestî malbatê hate kirin. Cenazeyê şehîd li ber dirûşman hate veşartin.