Bi sedan welatiyên bajarê Minbicê cenazeyê şervanê Meclîsa Leşkerî ya Cerablusê Ebdulhemîd Mihemed (Hût) ê ku dema erka xwe ya leşkerî pêk danî jiyana xwe ji dest dabû, ji Nexweşxaneya Firatê ya Minbicê wergirtin û ber bi Goristana şehîdên Minbicê ve ketin rê.

Di merasîma oxirkirinê de Fermandarê Meclîsa Leşkerî ya Minbicê Ednan Ebû Emced, Hevserokatiya Zagonsaz Farûq El-Maşî, cîgirê Hevserokatiya Meclîsa Rêveber Ebdulsetar Şêkagî û Endamên saziyên sivîl, amade bûn.

Li goristanê merasîm bi deqeyek rêzgirtina şervana ve destpê kir. Piştre Ednan Ebû Emced axivî, sersaxî ji malbata têkoşer re xwest û wiha got: ″Şehîdên azadiyê bi lehengiya xwe, canê xwe fedayî axa welatê xwe kirin. Em soza parastina welatê xwe li hember êrîşên dijmin, didin.″

 Her wiha cîgirê Fermandarê Giştî yê Meclîsa Leşkerî ya Cerablusê Ebû Elî Rifet jî soza şopandina rêya cangoriyên azadiya heta nefesa dawî da.

Piştî axaftinan, nasnameya têkoşer hat xwendin û cenazeyê şervan li goristanê hate veşartin.