Endamê Yekîneyên Antî Teror (YAT) Elî Elî (Şevreş Qamişlo) di pêngava li Dêra Zorê de li dijî şaneyên veşartî yên DAÎŞ’ê birîndar bibû û 27’ê Hezîranê û şervanê YPG'ê Omer Dînçer (Hozan Peyaniş) 6’ê Hezîranê di encama nexweşiyekê de li bajarê Hesekê şehîd bû.

Cenazeyê herdu şehîdan îro bi beşdarbûna bi hezaran şêniyên Kantona Qamişloyê û hêzên leşkerî li goristana Şehîd Delîl Sarûxan a li bajarê Qamişloyê hatin veşartin.

Merasîm bi deqeyeke rêzgirtin destpê kir. Piştre Hevserokê Meclîsa Malbatên Şehîdan a Katona Qamişlo Elî Reş sersaxî ji malbatên herdu şehîdan re xwest û got: "Xort û keçên ji her çar parçeyên Kurdistanê bi fedekarî yekîtî ava kirin û bi hev re di xendeqekê de li hemberî hemû êrişên li ser xak û gelê me sekinîn da gelê me bi aramî û aştî bijî. Lewra erka me û erka hemû hêz û partiyên Kurdî xwedî li keda van ciwanan derkevin û armanca wan a yekitiyê pêk bînin. "

Ji rêveberên PYD'ê Salih Hesen jî axivî, di kesayeta şehîd Hozan û Çavreş de hemû cangoriyên azadiyê bi bîr anîn û got: "Şehîdan ji bo rûmet û azadiya gelê xwe û ji bo valaderxistina komployên dijmin canê xwe feda kirin.

Piştî axaftinan nasnameyên herdu şehîdan hatin xwendin û radestî malbatên wan hatin kirin.

Cenazeyê şehîdan di nava diruşme û tilîliyên dayikan hatin veşartin.