Bi sedan şêniyên Dêrik û Girkê Legê yên kantona Qamişlo li pêşiya nexweşxaneya Şehîd Hogir kom bûn, da ku cenazeyê endamê Tevgera Civaka Demokratîk (TEV-DEM) Ehmed Çivîk (Ehmed Gabarî) werbigirin.

Li goristanê endamê Meclisa Malbatên Şehîdan a Dêrikê Mihemed Şerîf axivî û got: "Erka me ye ku em îro şopdarên şehîdan bin û wan bi bîr bînin, di heman demê de armancên wan ên pêkanîna ewlehî û aramiyê bi cih bînin."

Kurmamê şehîd, Hisên Çivîk axivî û anî ziman: "Şehîd Ehmed Gabarî mînaka têkoşîn û berxwedanê bû û di xebata xwe de bi ruhê hevaltiyê dihat naskirin."

Endamê Meclisa Malbatên Şehîdan a Dêrikê Mehmûd Ehmed nasnameya şehîd Ehmed Çivîk xwend û radestî malbatê kir.

Şehîd Ehmed Gabarî 8`ê Adarê li bajarê Qamişlo di encama kirîza dil de şehîd bûbû.