Şêniyên navçeya Til Hemîsê ya kantona Cizîrê cenazeyê şervanê Hêzên Ewlekariya Hundirîn Fayiz Ednan El Matar ku di 19`ê Kanûnê de şehîd bûbû, li Goristana Şehîdan a navçeyê oxir kir.

Di merasîmê de, endamê Meclisa Malbatên Şehîdan a navçeya Til Hemîsê Salih El Xelef axivî û sersaxî da malbata şehîd û got: "Em bi fedakariyên şehîdan ji bo parastina ax û welat serbilind in."

Her wiha endamê Saziya Olî ya navçeyê Mutez El Omerî jî fedakariyên şehîdan û têkoşîna wan di oxira parastina gel de silav kir.

Endamê Rêveberiya Hêzên Ewlekariya Hundirîn Mihemed El Hisên soz da ku rêya şehîdan berdewam bikin û destkeftiyên bi saya şehîdan hatine bidestxistin, biparêzin.

Di dawiya merasîmê de wesîqeya şehadeta şehîd hat xwendin û radestî malbatê hate kirin û cenazeyê şehîd di nav sloganên "Şehîd namirin" de hate veşartin.