Cenazeyê şervanê Hêzên Erka Xweparastinê Ebdullah El Ebdullah ê ku 7`ê Kanûnê dema erka xwe bi cih dianî şehîd bû, bi tevlîbûna sedan şêniyên Hesekê, endamên saziyên sivîl û leşkerî bi merasîmekî hat veşartin.

Cenazeyê şehîd ji pêşiya Meclisa Malbatên Şehîdan hat wergirtin û girseya gel ber bi goristanê ve bi rê ket. 

Li goristanê, li ser navê Meclisa Malbatên Şehîdan Bedrî Hewale axivî û sersaxî ji malbata şehîd re xwest.

Fermandarê Meclisa Leşkerî ya Hesekê Ebdulsetar Hesekê jî diyar kir ku şehîd rêya gelan ronî dikin û bi fedakariyên xwe rêya berxwedana rewa ya parastinêa xakê li hember dagirkeran xêz kirin. 

Di dawiya merasimê de wesîqeya şehîd hat xwendin û radestî malbatê hat kirin. Piştre cenazeyê şehîd di nava tilîliyên dayikan de hat veşartin.