Bi sedan welatiyên Kantona Kobanê cenazeyên şervanên YPG′ê Yasîn Yilmaz (Dijwar Cûdî), Ercan Sarî Boga (Ferhad Qoser), Ferhad Wehab (Mezlûm Dogan) û Sinûsî Ehmed (Robar Amanos) ên ku di Pêngava Rizgarkirina Reqayê de şehîd bibûn, li Goristana Şehîd Dicle veşartin.

Di merasîma oxirkirinê de bi dehan şervanên YPG/YPJ′ê, Endamên Saziyên Civaka Sivîl û Desteyên Rêveberiya Xweser, amade bûn.

Merasîm bi deqeyek rêzgirtina leşkerî ve despê kir. Piştre Fermandarê YPG′ê Yaşar Kobanê axivî, sersaxî ji malbatên cangoriyan re xwest û got: ″Em di pêvajoyeke dîrokî û hestyar re derbas dibin. Hêzên me li bajarê Reqayê serkeftinên mezin bi dest dixin. Em soza domandina têkoşînê didin.″

Piştre jî Endama Rêveberiya Kongreya Star Semîra Ehmed jî axivî û ji bo parastina destkeftiyên ku bi xwîna şehîdan hatine bidestxistin, soza şopandina rêya şehîdan da.

Di dawa merasîmê de nasnameyên cangoriyan hatin xwendin, radestî malbatên wan hatin kirin.

 Cenazeyên şervanan bi dirûşim û tilîliyan ve hatin veşartin.