Cenazeyê 2 şervanên YPG’ê hatin veşartin
Cenazeyê şervanên YPG’ê Îbrahîm El-Mezrî û Hîcab Mihêmîd ên ku 19’ê Kanûna 2017’an di pêngava Bagera Cizîrê de şehîd bibûn, ji ji aliyê welatiyên navçeya Til Hemîsê ve bi merasîmekê hatin veşartin.
Cenazeyê şervanên YPG’ê Îbrahîm El-Mezrî û Hîcab Mihêmîd ên ku 19’ê Kanûna 2017’an di pêngava Bagera Cizîrê de şehîd bibûn, ji ji aliyê welatiyên navçeya Til Hemîsê ve bi merasîmekê hatin veşartin.
Bi sedan welatî û şervanên YPG’ê ji bo ku cenazeyên şehîdan bigrin li pêşiya Meclîsa Taxa Enteriyê ya bajarê Qamişlo kom bûn. Girseya gel piştî ku cenaze wergirt ber bi Goristana Şehîd Raxib El-Etiyê ya li gundê El-Salihiyê ve ketin ser rê.
Dema ku girse gihişte goristanê, merasîm bi deqeyek rêzgirtina leşkerî ya ji aliyê şervanên YPG/YPJ’ê ve hate destpêkirin. Piştre ji fermandarên YPG’ê Kemal Pîr axaftinek kir û ji malbatên herdu pakrawanan re sersaxî xwest.
Her wiha di berdewama merasîmê de li ser navê Saziya Malbatên Şehîdan a Navçeya Til Hemîs Ehmet El Ebawî û Desteya Malbatên Şehîdan Ebû Ehmed axivî û diyar kirin ku bi saya şehîdan hemû pêk hate bi hev re dijîn.
Piştre jî nasnameya şehîdan hatin xwendin û radestî malbatan kirin.
Cenazeyê şehîdan bi dirûşim û tilîliyên dayikan ve hatin veşartin.