Navenda Çapemeniyê ya QSD’ê bîlançoya roja 32’emîn a Berxwedana Rûmetê eşkere kir.

Di daxuyaniya QSD’ê de ev tişt hate diyarkirin:

“Balafirên bê mirov yên artêşa dagirker bê navber li ser hemû herêmên bakûrê Sûriyeyê geriyane û êrîşî hin cihan kirine.

Artêşa dagirker û komên çete li gundê Qizalî û Mişêrfa êrîş birin ser herêmên sîvîl hewl dan qadên nû dagir bikin. Hêzên me di çarçoveya parastina rewa de bersiva van êrîşan dan û di encam de pevçûn qewimîn. Di encama pevçûnê de gelek çeteyên artêşa dagirker hatin kuştin lê belê di derbarê hejmarê de agahiyên zelal bi dest neketin.

Di vê berxwedanê de 5 hevalên me şehîd ketin, 3 hevalên me birîndar bûn.”