Bi deh hezaran welatiyên li Dêrik, Girkê Legê, Tirbespî û Til Birak ên girêdayî Kantona Qamişloyê daketin qadan, êrîşên dagirker û qirker ên Tirk şermezar kirin û peyama ‘QSD vîna me ye’ dan.

DÊRIK

Bi hezaran kesên li Qada Azadî ya Dêrikê kom bûn tevahiya rêya giştî meşiyan. Di tevahiya meşê de dirûşmên dilsoziya bi QSD û Berxwedêrên Rûmetê re qîr kirin û silav kirin. Li Qada Jina Şoreşger deqeyek rêz hate girtin û gelek axaftin hatin kirin. Di axaftinan de êrîşên dewleta Tirk û çeteyên wê hatin şermezarkirin, hate gotin ku yeka e hêza vîna gel QSD’ ye.

TIRBESPIYÊ

Li Tirbespiyê jî bi hezaran kesên li Çerxerêya Şehîd Nejbîr hatin ba hev bi dirûşim û alên QSD’ê meşiyan. Di meşê de Alîkara Hevseroka Meclîsa Sûrûriyeya Demokratîk (MSD) Hîmet Hebîb, endama Kongra Star Xalya Eyûb û endamê PYD’ê Silêman Bedir axvîn. Di axaftinan de hate gotin ku heta deverên dewleta Tirk dagirkirîn azad bikin wê berxwedanê bidomînin û hate gotin ku projeya netewa demokratîk çareseriya krîzên Sûriyeyê ne.

TIL BIRAK

Bi sedan kesên li Til Birakê kom bûn destek dan QSD’ê. Çalakvanên ku alên QSD’ê û şehîdan hildan, peyama QSD vîna wan e qîr kirin. Endama Tevgera Ciwanên Şoreşger ên li Çerxerêya Şehîdan deqeyek rêz girtin Yûsif Xelîl û endama Meclîsa Jina a Til Birak Hemrîn Hesen axivîn. Di axaftinan de hate diyarkirin ku dewleta Tirk li pey xeyala zindîkirina Osmaniya nû ye û gotin rê nadin vê yekê.

GIRKÊ LEGÊ

Bi sedan kesên li Qada Şehîd Xebat Dêrik kom bûn, bi meşekê êrîşên dewleta Tirk û çeteyên wê protestokirin. Li navenda navçeyê mîtîngek hate kirin û li vir endama Hêzên Ewlekariya Hundirîn Nûrşan Efrîn axivî. Efrîn diyar kir ku wê xaka Sûriyeyê ji bo Tirkiye û çeteyên wê bibe goristan û anî ziman ku QSD vîna gelan e.