Konferansa bi dirûşma 'DAÎŞ;  Koka wê, Astengî û Stratejiyên Rû bi rû bûnê' ku wê sê rojan bidome roja Şemiyê destpê dike û wê sê rojan bidome.

Wê di konferansê de li şahidên zindî yên qurbaniyên terora DAÎŞ`ê , werin guhdarkirin. Her wiha wê di derbarê DAÎŞ`ê de, wê 7 rûniştin werin lidarxistin.

Di van rûniştinan de wê aliyê dîrokî, siyasî, leşkerî, ewlehî, aborî, civakî, olî, çandî, jin bi çavê terora DAÎŞ`ê, çareserî û pêşniyarên ji bo çareserkirina teror û aliyê hiqûqî ji terora DAÎŞ`ê werin gutubêjkirin. Di her rûniştinê de, wê nîqaş werin kirin.

Bi sedan ji kesayatên payebilind, akademîsiyan, lêkolîner, siyasetmedar, rojnamevan û oldar ên di serî de ji çar parçeyên Kurdistan, welatên Ereban, Ewropa, Emerîka, Emerîkaya Latîn, Tirkiye û Iraqê  ji wê beşdarî konferansê ku li Kantona Cizîrê bê lidarxistin bibin.

Di roja yekem de li gel axaftin û pêşkêşiyan wê sînevîzyona têkildarî DAÎŞ’ê bê nîşandan, her wiha belgeseleke ku têkildarî DAÎŞ’ê û pêşangeheke ya wêneyan jî bê nîşandan.

Di roja duyemîn de jî rojev wê zêdetirî xwe têkoşîna leşkerî û ewlekariyê ya li dijî terora DAÎŞ’ê û texrîbatên aborî û civakî yên bi terorê re derketin be. Roja sêyemîn jî darezandin û hiqûqa navneteweyî ya li dijî DAÎŞ’ê bê destgirtin.

Semînerên di konferansê de bê dayîn wiha ne:

 Îdeolojiya DAÎŞ’ê û dîroka wê

Komên redîkal ên DAÎŞ’ê û têkiliyên wê yên bi AKP’ê re

Stratejiya DAÎŞ’ê ya li ser qetlîam û sûcên şer hatine pêşxistin

Qetîlanên DAÎŞ’ê yên li Şengal û Kobanê

Li dijî terora DAÎŞ’ê felsefeya netewa demokratîk

Rêbaz û teknîka DAÎŞ’ê bikar anî

Taktîkên şerê derûnî ya DAÎŞ’ê û rêbazên bandorkirina komên din ên redîkal

Têkiliyên leşkerî û siyasî yên di navbera dewleta Tirk û DAÎŞ’ê de

Rola têkoşîna YPG,YPJ û QSD’ê ya li dijî DAÎŞ’ê

Armanc û êrîşên DAÎŞ’ê yên li ser çand û dîroka gel û baweriyên li herêmê

Di modela DAÎŞ’ê de c ihê jinê

Li dijî çêkera DAÎŞ’ê ya yekparêzî, mînaka pirrengî ya sîstema Xweseriya Demokratîk

Li djî pratîka Îslamî ya redîkal a DAÎŞ’ê, pêşniyara Îslama Demokratîk

Çavkaniyên fînasî yên DAÎŞ’ê

Siyaseta talan û ganîmetê ya DAÎŞ’ê bikar anî

Di rewşa heyî de aboriya civakî

Qirkirina giştî ya jinê ya DAÎŞ’ê û tinedîtina jinê

Têkoşîna jina azad a li dijî hişmendiya DAÎŞ’ê

Binpêkirinên mafê mirovan ên DAÎŞ’ê

Çeteyên DAÎŞ’ê yên hatine girtin, li gorî hiqûqa navneteweyî bên dadgehkirin

Dadgehkirina kes, sazî û organîzasyonên ku destek dane DAÎŞ’ê

Li dijî DAÎŞ’ê têkoşîna siyasî, leşkerî, aborî, hiqûqî, civakî û dînî .