Pêngava Bagera Cizîrê ya rizgarkirina bejahiya başûrê Hesekê ku ji nû ve hatibû  destpêkirin bi hemû hêza xwe didome.

Di çarçoveya pêngavê de şervanên QSD’ê heta niha 12 gund û gelek gundik ji çeteyên DAIŞ’ê rizgar kirin. Şervanên QSD‘ê yên li  baskê rojava bi pêş ve diçin şevê din piştî şerekî dijwar gundên Derwîş û Amiriyê ji çeteyên DAIŞ‘ê rizgar kirin.

Şêniyên gundê Derwîş bi germahî pêşwaziya şervanan kirin û kêfxweşiya xwe bi rizgarkirinê gund anîn ziman. Şerê li derdora gund didome.