Bi hezaran şêniyên Tirbespiyê tevlê merasîma cenazê ya ji bo şervanê QSD’ê Şehîd Seîd El Xêrawî bûn.

Di merasîma li goristanê de, piştî deqeyek rêzgirtinê Endamê rêveber ê Meclisa Malbatên Şehîdan Mihemed Zekî axivî û sersaxî da malbata şehîd û got: “Li vê cihê pîroz em hemû şehîdên azadiyê bi bîr tînin û bejna xwe li hember fedakariyên wan ditewînin ku ji bo yekîtî û azadiya gel kirine. Em deyndarên wan in.”

Ji fermandarên QSD`ê Mihemed Zêdan jî axivî û soza şopandina rêya şehîdan heta pêkanîna armancên wan, da.

Piştî bidawîbûna axaftinan, girseya gel cenazeyê şehîd Seîd li goristanê veşart.

Şervanê Hêzên Sûriya Demokratîk (QSD) Seîd El-Xêrawî di 22`yê Mijdarê de şehîd bûbû.