Îro bi sedan şêniyên Reqayê li Çerxerêya Neîm kom bûn û heta Çerxerêya El-Saa meşiyan.

Piştî meşê mîtîngek li dar ket. Di mîtîngê de bi navê Meclisa Malbatên Şehîdan Ibtîsam El-Ehmed û bi navê Komîteya Azadiya Rêberê Gelê Kurd Abdullah Ocalan Feysel El-Bêrem axivîn.

Axaftinvanan Komploya Navneteweyî şermezar kir û diyar kir ku armanca komplogeran têkbirina projeya neteweya demokratîk, binpêkirina azadiyan û tunekirina gelên azadîxwaz e.

Her wiha destnîşan kir ku dewleta Tirk û dewletên mêtinger tecrîda li ser Rêberê Gelê Kurd Abdullah Ocalan didomînin û hemû peymanên navneteweyî bin pê dikin. Her wiha bang li civata navneteweyî û rêxistinên mafên mirovan kirin ku azadiya fîzîkî ya Rêberê Gelê Kurd Abdullah Ocalan mîsoger bikin.

LI DÊRAZORÊ KON HAT VEDAN

Meclisa Herêma Bakur a bajarokê Siwer û Komîteya Jinan a Dêrazorê çalakiya konvedanê li dar xist.

Di çalakiyê de endama Kombûna Jinan a Zenûbiya Rewa El-Mihemed axivî û got: “Me bi saya fikr û felsefeya Rêber Abdullah Ocalan mafên xwe bi dest xistin. Heta dawiyê em ê wî wek serokê xwe bibînin. Rast e girtî ye, lê bi fikir û felsefeya xwe azad e.”

Bi navê Komîteya Ciwanan a bajarokê Swer Meryem El-Hesen axivî û got: “Rêber Abdullah Ocalan dê her tim sembola azadiyê be. Yê ku parastina Sûriyê, Filistîn û Kurdistanê kir, Rêber Abdullah Ocalan e û yê ku bi navê Filistînê û xwîna Sûriyan bazar kir jî Erdogan e.”