Şervanên QSD’ê yên bi navê Sultan Şêxo (Jînda Berxwedan), Mihemed Şukrî (Hemze Carqelî), Mezlûm Muslîm (Şervan Cûdî) û ‘Mustefa Bîlen (Zinar Efrîn) ên di Berxwedana Rûmetê ya li dijî êrîşên dewleta Tirk û çeteyên wê de şehîd bûbûn, li Kobanê bi merasîmeke heybet spartin axê.

Bi hezaran kes tevlî merasîma şehîdan a li Şehîdgeha Şehîd Dicle hate kirin bûn. Merasîm bi deqeyek rêzgirtinê destpê kir. Piştre jî Alîkarê Hevserokê Rêveberiya Xweser a Firatê Mihemed Şahîn axivî. Şahîn sersaxî ji malbatên şehîdan re xwest û bal kişand ser girîngiya piştevaniya bi hêzên QSD’ê re.

Piştre jî nasnameya şehîdan hate xwendin û radestî malbatên wan hatin kirin.

Di dawiya merasîmê de jî şehîd bi dirûşman spartin axê.