Ercan Aytekîn (Çayan Batman) ku di êrîşa dewleta Tirk a dagirker de şehîd bûyî hate veşartin.

Welatiyan ji Nexweşxaneya Avrînê cenazeyê Şehîd Aytekîn rakirin û birin Goristana Şehîd Seydo ya li Cindirêrê.

Li şehîdgehê şervanên YPG-YPJ’ê merasîmeke leşkerî li dar xistin. Piştre ji fermandarên YPG’ê Ferzende Efrîn, Endamê Komîteya Hevgirtina bi Malbatên Şehîdan re Şervan Hesen û dayika Şehîd Canxort Asya Ebdo axivîn.

Piştî axaftinan belgeya şehîdbûnê ya Şehîd Aytekîn hate xwendin.

Piştre cenazeyê Aytekîn bi dirûşmeyan hate veşartin.