Nûnerê Timî yê Çînê yê li Neteweyên Yekbûyî Geng Shuang li Konseya Ewlekariyê ya Neteweyên Yekbûyî têkildarî Sûriyeyê axivî û diyar kir ku dewleta Tirk bakur-rojhilatê Sûriyeyê dagir kiriye û çavkaniyên avê li ser biriye.
Geng Shuang got, rapora Alîkarê Sekreterê Giştî yê ji Karên Mirovî yên Neteweyên Yekbûyî Berpirsyar a li ser rewşa mirovî ya li Sûriyeyê 'cihê fikaran e'.
Shuang li Konseya Ewlekariyê axivî û got, "Tirkiyeyê bi rengekî neqanûnî bakur-rojhilatê Sûriyeyê dagir kiriye û çavkaniyên avê li ser biriye."
Nûnerê Çînê bang li Tirkiyeyê kir ku li gorî hiqûqa navneteweyî tevbigere û garantiya gihandina alîkariya mirovî ya Neteweyên Yekbûyî bide.
Nûner her wiha xwest, pêkanînên yekalî yên li ser Sûriyeyê bêne rakirin.
