Li gorî ANHA'yê ku agahî ji çavkaniyên leşkerî yên Meclîsa Leşkerî ya Minbicê girt, komên çete yên dewleta Tirk a dagirker ji doh bi şev heta danê sibehê êrîşî bendên Meclîsa Leşkerî ya Minbicê yên li ser xeta El Sacûrê kirin.

Hate ragihandin, çete mizgefta Seyda Xedîce û Emer Bîn Xetab ji xwe re kirine navend û ji wê derê êrîş dikin.

Piştî ku dewriyeyên hevbeş ên Tirkiye û koalîsyonê bi serkêşiya Amerîkayê li wan herêman dest pê kir, êrîş zêde bûn.

LI MINBICÊ MAYINEK TEQIYA: 2 KES BIRÎNDAR BÛN

Di vê navberê de li ser rêya gundê Hec Abidîn ê li başûrê rojavayê Minbicê mayinek teqiya.

Hêzên Ewlekariya Navxweyî û hêzên Hawarê berê xwe da cihê teqînê, tedbîrên pêwîst girtin û dest bi lêkolînê kir.

Hate zanîn ku di encama teqînê de endamekî Meclîsa Leşkerî ya Minbicê û sivîlek birîndar bûne.