Li Kampa Newrozê ya li bakurê Dêrik înê ji ber ku sobeya gazê teqiyabû şewat derketibû. Ji ber şewatê 4 zarok miribûn û 7 kes birînar bûbûn. Îro jî 3 kesên ku tedawî dibûn mirin.

Ji bijîşkên Nexweşxaneya Gel a Hesekê Enter Sîno ji ANHA’yê re axivî û wiha got: "Piraniya kesên şewitîne û anîne nexweşxaneyê, şewata wan di rêjeya 2 û 3’yan de ye ango kûr çûye, nexweşxaneyê kesên şewitîne pêşwazî kirin û rewşa her yekî ji wan wiha ye; Mihemd Hamid ji sedî 20 şewitîye û ji nexweşxaneyê hate derxistin, Ehmed Hamid ji sedî 90 şewitiye, vê sibê li nexweşxaneyê jiyana xwe ji dest da, Sureya Hemûd jî ji sedî 90 şewitiye û wê jî derdora saet 3’yê sibê jiyana xwe ji dest da."