Komên çete Dewleta Îslamî ya Iraqê û Bîlad-Şamd/Eniya El Nûsra yên ji Serêkaniyê hatin dexistin û li bajarokê stratejîk Til Xelefê bicih bûn, duh li serdegirtina Yekîneyên Parastina Gel (YPG) rast hatin. Di encama serdegirtina YPG'ê de 18 endamên çete hatin kuştin.

Li gorî agahiyên ANF’ê ji cihê bûyerê girtine Şervanên YPG'ê, ji ber dijwariya êrîşên komên çete, duh êvarê avêtin ser gelek taxên Til Xelefê. Di pevçûnên li vê derê de 18 endamên çete hatin kuştin.

Hat ragihand ku hêzên YPG'ê di van pevçûnan de wendahî ne dane û xwe li nuqteyên stratejîk ên bajarokê bicih kirine.