Midûrê Giştî yê WHO'yê got, "Niha li ber destê me hin hewldanên baş hene ku dikarin bibin derzî" û wiha dewam kir: "Ji wan heft, heyşt heb baş in. Lê belê zêdeyî 100 hewldanên ji bo peydakirina derziyan hene."

Ghebreyesûs got, "Em niha giraniyê didin ser çend heban" û destnîşan kir, ku pêkane encamên baş ji wan derkevin.

Midûrê WHO'yê eşkere nekir ku qala kîjanan dike û diyar kir, bi alîkariya ji 7.4 milyar Euroyî ku beriya hefteyekê rêveber, rêxistin û bankayên 40 welatan soza wê dan, wan karê xwe zêde kirine.

Ghebreyesûs diyar kir ku ji meha Çileyê ve WHO ji bo peydakirina derziyê û şopandina vî karî li tevahiya cîhanê bi bihezaran lêkolîneran dixebite.