Wezareta Karê Derve ya DYA’yê, komkujiya li dijî kurdên sivîl ya ji aliyê komên çeteyan yên girêdayê El Qaîdeyê pêk hatiye şermezar kirin. Wezaretê wiha got: “Em vê êrîşa li dijî sivîlan şermezar dikin.

Berdevkê çapemeniya Biyanî ya Buroya Karê Rojhilata Nêz a Wezareta Karê Derve ya DYA’yê Dîna Badawy,  êrîşên Eniya El Nusra/Dewletî Îslam a Iraq-Şamê şermezar kir. Badawy di daxuyaniya xwe de da zanîn ku ev provakasyoneke mezhebiye û got ev provakasyonên mezhebî mafdar nayên dîtin û em êrîşên li dijî sivîlan şermezar dikin.

Badawy destnîşan kir ku ji serê krîza Sûriyeyê heta niah Sûriyeyê hişyar dikin û got wan bi taybet gotiye ku di dema pevçûnan de bila sivîl bên parastin û bila sivîl nebin hedefa aliyan.

Badawy wihagot: “Divê li hemberî mafê sivîlan rêz bê nîşandan. Kesên binpêkirina mafên mirovan û hiqûqî yên navnetewî kiribin, berpirsin.

Çeteyên Elniya El Nusra ku girêdayê El Qaîdeyê ye di navbera 29’ê tîrmeh û 1’ê tebaxê de li gundê Tîl Eran û Tîl Hasil êrîş pêk anî û 70 sivîl hatin qetilkirin. Her wiha 300 sivîl revandibûn.

Hefteya borî wezîrê karê derve yê Rûsyayê Sergey Lavrov balkişandibû ser komkujiya li hemberî kurdan û bang li NY’ê kiribû ku vê komkujiyê şermezar bikin.

Li ver vê berdevkê sekreterê giştî yê NY’ê Martîn Nesîrky roja çarşemê daxuyaniyek da û komkujî şermezar kir.