Parlementerê MHP’ê Celal Adan di derbarê keça Kemal Turkler Nîlgun Soydan de bi sûdarkirina “heqaret û îftîrayê” doz lê vekir. Kemal Turkler di sala 1980’an de di encama sûîqesta ji aliyê hêzên faşîst ve hatibû kuştin.

Ji ber sedema sûcdariyên hatine kirin ji bo Soydanê 6 sal cezayê girtîgehê tê xwest û hate gotin ku, di bîranîna salvegera bavê Soydanê de hatiye gotin ku, “kiryarê cinayetê û ji bo cinayetê çek temîn kiriye”, “Ji bo rizgarkirina qatilan hewildanek mezin kiriye û gihaye armanca xwe” bikaraniye û sûcê “heqaretê” kiriye.

Soydanê jî têkildarî bûyerê ev gotin kiribûn: “Di doza têkildarî qetilkirina bavê min de, hertim navê Adan derbazbûye û bi salan hatibû xwestin ku di dadgehê de weke ‘şahid’ were guhdar kirin. Ew bi xwe xizmê Unal Osmanagaoglû ku bersûcê doze ye. Di îdîanameyê de gotinên, Osmanagaoglû çûye gel Adan û jê pirskiriye, ‘Destê min dixwere, çalakiyekî ku bêt kirine heye?, ew jî gotiye, ‘ 2-3 roj raweste, em dê te beralî bikin’ cih girtiye. Piştî 2-3 rojan jî cînayet çêbûye.”