Îro wekîlê Wezîrê Tendirustiya Iraqê Hazim Cemîlî bi daxuyaniyekê diyar kir ku wê sibe beşek ji qedexeya hatin û çûnê ya giştî Iraqê bê rakirin, her wiha da zanîn ku yên biryaran pêk neyne wê tund were cezakirin.

Hazim Cemîlî li ser navê Wekîlê Wezareta Tendirustiyê ragihand: “Ev biryar e di civîna bihurî de wek pêşniyar ji Desteya Tendirustî û Silametiya Niştîmanî re hatiye dayîn ku razîbûna xwe ya ji bo ji roja Yekşemiyê beşek ji qedexeya hatin û çûnê rakin nîşan dane.”

Cemîlî her wiha bal kişand li ser saetên ku qedexe wê nebe û got: “Ji saet 5:00 sibehê heya 16:00 êvarê qedexeya hatin û çûnê radibe û pêwîst e di nava wê demê de tedbîrên xweparastinê ya li hemberî vîrusê werin girtin.”

Hazim Cemîlî di dewama gotinê xwe de eşkere kir: “Her cure kombûyîn weke civînên olî, eşîrî û civakî qedexe ye û her wiha divê wesayît jî li gorî perspektîfan rêwiyan siwar bikin.”

Cemîlî wiha dawî li axaftina xwe anî: “Kesê ku li gorî perspektîfên tendirustî û bi taybetî kombûnan çêbike wê li gorî madeya 36’an a yasaya cezadayînê ya hejmara 111 a sala 1969 were cezakirin.”