Terora AKP'ê li Îtalyayê hate şermezarkirin
Li bajarê Mîlano yê Îtalyayê, di merasîma vekirinê ya Şanoya Şaredariyê de Sendîkaya CUP û Komîteya Kurd a Mîlano, çalakiyeke hevpar lidar xistin. Di çalakiyê de terora AKP'ê hate şermezarkirin.
Çalakî bi beşdariya gelek rewşenbîr, hunermend û siyasetmedaran pêk hat. Çalakgeran wêneyên parlamenterên HDP'ê yên girtî û pankarta bi nivîsa "Em ê teslîmî faşîzmê nebin" hildan.
Çalakgeran dan xuyakirin, ku ew ê piştgiriya xwe ya ji bo gelê Kurd bidomînin. Di çalakiyê de bi sedan belavok hatin belavkirin.
