Li Başûrê Kurdistanê  li gundê Qendîlê Bukruskê  bi boneya 25’ê Mijdarê ji aliyê RJAK û YJRK’ê ve   meşek hat lidarxistin. 

Jinên  Qendîlê di meşê de alên RJAK, KJB û posterê Rêberê Gelê Kurd Abdullah Ocalan  rakirin. Di dema meşê de sloganên wek “jın jîyan azadî, bîjî Serok Apo” hatin avêtin.

Piştî meşê, jinan rêya ku diçe Çoman û Ranya girtin û daxuyaniya çapemeniyê dan. Di daxuyaniyê de  peyama ku ji aliyê RJAK’ê ve hatî  nivîsandin hat xwandin. Peyam ji aliyê Bêrîvan  Şaho  ve  hat xwandin. Di peyamê de bal kişandibû li ser têkoşîna jin a li hember tundiyê. Peyama RJAK’ê wiha bû:“Tundî  li dijî jinan, şermezaryekî mirovatiyê ye. Tokoşîna li himber tundiyê erkekî mirovatî ehlakî û  siyasye .Tundî berhemê zîhniyeta  desthilatî û dîktadoriyê ye. Sîstemê desthilatiyê xwediyê  îdeoljiyekî  wisaye, ku  jin û civak bê îrade û bê şexsiyet bike. Sîstema desthilatî di roja me ya îro de tundiya li ser jin, di hemu aliya de, dide meşandin. Tundîiya li hember  jin, di alîyê siyasî, deronî, ekonomî û her waha fîzîkî da tê meşandin.”

DIVÊ JIN LI HIMBER TUNDIYÊ BÊDENG NEMÎNE

Di daxuyaniyê de tê dest nîşan kirin ku divê jin têkoşîna 3 xuşkan bi domîne û daxuyanî wiha didomîne: “ Roja 25’ê mijdarê 1960’an de ku di aliyê 3 xuşkên têkoşer, li hember tundiya desthilatiyê têkoşîna azadiyê dan  destpêkirin û heta roja me ya îro, ev tekoşîn ji aliyê jinan da tê dayîn.Lê mixabin tundiya dijî di aliyê sîstema desthilatî de, bi polîtîkayên  cur be cur  tê meşandin. Di civakê de  jin wekî mal, milk namûs û şerefa bav û bira tê dîtîn. Lê jin namusê ti kesî nîne û azadî û şerafa  jîn namusa jine. 

Ji ber vê yekê jî li hember tundiyê têkoşîn kirin erkekî mirovayetî û axlaqiye. Divê  hemû jin li hember ev zîhniyeta desthilatî tekoşîna xwe bilind bike.Divê jin ti car bê deng nemîne.”

Daxuyanî bi slogana " Jin, Jîyan Azadî" bi dawî bû