SYKP Swîsreyê, kongreya xwe ya 4'an pêk anî
Partiya Jinûve Rizgarî ya Sosyalîst (SYKP) Rêxistina Swîsreyê, di navbera 19-21'ê Nîsana 2019'an de kongreya xwe ya 4'an a asayî pêk anî.
Endamê Desteya Rêveberiya Navendî ya SYKP'ê Erdal Kara, Hevserokê Damezrîner ê SYKP'ê Tûncay Yilmaz, ji damezrînerên SYKP'ê û Serokê Rûmetê yê HDP'ê parlamenterê berê Ertûgrûl Kurkçu, endamê Desteya Rêveberiya Navendî ya HDP'ê Kenan Kalyon û Mahîr Sayin tevlî kongreyê bûn.
Ji bo koordînasyona nû 5 jê jin, 5 jê mêr 10 endam hatin hilbijartin. Ji bo desteya koordînasyonê Olga Kasman, Selîm Unay, Nergîz Ozdemîr, Alî Cem Kalkandelen, Nûrcîhan Unlu, Alî Akkûrt, Dondu Yildirim, Gazî Yildirim, Sevînç Aglamaz, Huseyîn Bektaş hatin hilbijartin. Kerîm Îşbîlîr jî bû endamê cihgir.
Ji bo desteya etîkê jî Fahriye Kotevelîoglû Ûsta, Huseyîn Kurekçî û Mûazzez Yucel hatin hilbijartin.
