Hunermend û xwendekarên Tirkiyeyî yên li Stockholmê dijîn ji bo piştgiriyê bidin çalakiyên li Taksîm û cur bi cur bajarên Tirkiyeyê yên li hemberî desthilatdariya AKP’ê  roja şemiyê xwepêşandanek organîze kirin.

Ciwanên ku destpêkê li ber Qada Hotorget a li beramberî  Avahiya Konseran a Xelatên Nobelê lê tên belavkirin  bi dahol,  darbuqe, pet û beroşan dest bi xwepêşandanê kirin. Xwepêşanderan dirûşmayên “Her cih berxwedan, her cih Taksîm”, “ Li ber xwe bide Taksîm, li ber xwe bide Tirkiye”,  “Bi berxwedanê em ê bi ser bikevin” gotin.  Mirovên li derdorê jî destek dan xwepêşanderan.

Bi dirûşm û enstrumanên di destên xwe de xwepêşander dema hatin Qada Sergel hejmara wan 300’î derbas kir.

Di xwepêşandanê de ku hin jinan gotin “Şîddeta xwe jî bibe û biçe, yan na ez ê  dayika xwe jî bînim û têbikoşim” û hûn zarokan ku digotin,  “Dema ez mezin bibim ez ê bibim çapulçî” bal kişand.

Di xwepêşandanê de  pankart û dovîzên “Tayyîp Erdogan, artêşa dagirker, polîs, jîtem û kelûpelê xwe kom bike û ji Kurdistan, Roboskî, Reyhanli û Parka Gezî derkeve.” rakiribûn.