Sîwana Meclîsên Jinên Êzidî (SMJÊ) bi wesîleya 25'ê Mijdarê Roja Têkoşîna li dijî Tundiya li Jinan daxuyaniyek da.

Di daxuyaniyê de işaret bi tundiya polîtîk û bi rêk û pêk a li dijî jinan hate kirin û biryardariya mezinkirina berxwedanê ya li dijî tundiyê hate nîşandan.

SMJÊ ragihand ku her cûreyên tundiya li dijî jinê femînîzîd e û wiha dewam kir:

"Em jiyaneke bê tundî, ser bi xwe û azad dixwazin. Ev bi tenê ne karê jinan e, destpêkê li dijî tundiya malê, êrîşên cinsî, hewldanên kuştinê, firotinê, bi darê zorê zewicandin û xwefirotina malên giştî, rake."

Di daxuyaniyê de hate bibîrxistin ku li deverên şer û alozî heye, tundiya li jinê bi zanebûn weke amûreke şer tê bikaranîn û hate gotin, "Em her roj dixebitin, tevahiya salê li gel hemû zor û zehmetiyan ji bo mafên jinan têdikoşin."

SMJÊ destnîşan kir ku bi têkoşîna xwe divê ew her cûreyên tundiya li jinê têk bibin û wiha dewam kir: "Em ê di kesayetiya xwe de azadî û xweseriyê misoger bikin. Hewldanên destdirêjiya li xaka me û îradeya me ya hêzên Gladîo ya NATO'yê, di serî de tifaqa Tirkiye-Iraq-PDK'ê xera bikin."

SMJÊ diyar kir ku tundî li her derê heye, lê berxwedan jî li her derê bi hêzeke mezin, bi rengekî dewlemend dewam dike û wê bi ser bikeve.

Di dawiya daxuyaniyê de hate gotin, "Em her rojên xwe bikin 25'ê Mijdarê û bi îradeya xwe ya azad li welatekî azad bijîn. Em bang li tevahiya jinên Êzidî û yên li cîhanê hemûyan dikin ku dîktatoriyan hilweşînin, hesab ji dîktatoran bipirsin û bi rengekî azad bijîn."