Ozkan Ozdemîr li saziya ACTÎT'ê berxwedana xwe ya greva birçîbûnê ya bêdem didomîne. Nûnerên FEDA, Konfederasyona Gelan a Demokratîk li Ewropayê (ADKH) û Sekna Şoreşgerî ya Proleter serdana Ozdemîr kirin.

Ji Federasyona Elewiyan a Demokratîk (FEDA) Pîr Riza Yagmûr li serdanê axivî û berxwedêrên greva birçîbûnê hemû bi rêzdarî silav kir.

Nûnerê ADKH'ê jî diyar kir ku ji bo piştgiriyê ew hatine serdanê û li ser rê û rêbazên xurtkirina berxwedanê axivîne.

Hevseroka Saziya Pîr Sûltan Abdal a Parîsê Husniye Kuçukkeleş û nûnerê Sekna Şoreşge ra Proleter jî piştgirî dan berxwedêrên greva birçîbûnê.

Berxwedêrê greva birçîbûnê Ozkan Ozdemîr jî destnîşan kir ku serdan ji bo wî motîvasyoneke baş e.