Serokê Komîteya Têkiliyên Derveyîn ê Meclîsa Gel a Şengalê Halef Alî û Fermandarê YBŞ’ê Saît Omer bi mebesta ku danûstandinan bikin hatin Moskowê. Şande piştî ku bi rêveberên Yekîtiya Saziyên Sosyal, Otonomiya Rûsya a Çanda Kurdî û Federal a Netewî, Tevgera Jinên Kurd ên Rûsya re hatin gel hev, dest bi danûstandinên fermî kirin.

Şandeya ku ji berdevkê Kongreya Êzdiyên Kurd ên Rûsya Araf Azmanî, Serokê Komîteya Têkiliyên Derveyîn ê Meclîsa Gel a Şengalê Halef Alî û Fermandarê YBŞ’ê Saît Omer pêk tê, pêşî bi Cîgirê Wezîrê Karê Hundir ê Rûsya re danûstandinên xwe kirin. Piştre jî bi Serokê Navenda Zanyariyên Zanistî û Analîtîk Platnîkov Nîkolay û Midûrê Enstîtûya Rojhilata Navîn û siyasetmedar Simyon Arkadevîç Bogdasarov re hatin gel hev.

Di danûstandinan de şandeya Şengalê têkoşîna Êzîdiyên Kurd ên li Şengalê ku li dijî çeteyên DAÎŞ’ê dayin û rewşa gelê sivîl nîqaş kirin.