Li Mêrsînê 11 kes hatin girtin, ji bo 10 kesan biryara dersînorkirinê hat dayîn

Dadgeriya Tirk ji 29 kesên ku li navçeyên Mêrsînê di serdegirtinên malan de hatibûn binçavkirin, 11 jê hatin girtin û ji 10 kesan re biryara dersînorkirina ji bo Bakur û Rojhilatê Sûriyeyê hat dayîn.

Di çarçoveya lêpirsîna Serdozgeriya Komarê ya Mêrsînê di 14’ê Sibatê de li navçeyên Toroslar, Akdenîz û Tarsûsê yên Mêrsînê bi ser gelek malan de hatibû girtin û 10 jê ji Bakur û Rojhilatê Sûriyeyê 29 kes hatibûn binçavkirin.

Piştî îfadeya li Midûriyeta Polîsan a Mêrsînê îro 29 kes ji bo îfadeyê derxistin dozgeriyê. Piştî îfadeya li dozgeriyê bi îdîaya "Propagandaya rêxistinê kirine" bi daxwaza girtinê sewqî Dadgeriya Cezayê Sulhê hatin kirin.

Piştî îfadeya li dadgeriyê 8 kes bi şertê kontrola edlî hatin berdan, 11 kes jî bi îdiaya "propagandaya rêxistinê kirine" hatin girtin.
Ji bo 10 kesên ji Bakur û Rojhilatê Sûriyeyê ku di çarçoveya heman lêpirsînê de hatibûn binçavkirin, biryara dersînorkirinê hat dayîn.