Rûniştina doza KESK'ê ya jê 22 kes girtî ya 72 kesan li 13'mîn Dadgeha Cezayên Giran a Enqere destpê kir. Gelek nûnerên partiyên siyasî, rêxistinên sivîl ên civakî û sendîkayên navneteweyî tevlî rûniştinê bûn.

Rûniştina yekemîn a doza Konfederasyona Sendîkayên Kedkarên Cemaweriyê (KESK) ya ku di nav de Serokê Giştî Lamî Ozgen jî heye ya 72 kesên jê 22 kes girtî li 13'emîn Dadgeha Cezayên Giran a Enqere destpê kir. Serdozgeriya Komarê ya Enqere di îdîanameya amadekir de 72 kesan ê îdîakirin endamên DEMEP'ê ya di bin bangê KCK'ê de hate avakirin "Endamên rêxistinê ne" hate gotin û ji kesên tên darizandin re ji 7,5 heta 15 salan cezayên girtîgehê dixwaze.

Serokê Giştî yê KESK'ê Lamî Ozgen û gelek parêzêr tevlî rûnştinê bûn. Rûniştinê bi tesbîtkirina nasnameyan dest pê kir. Yilmaz Yildirimci, Mehmet Arda, Fîkret Çalagan, Nîhat Kilinçali di dema tesbîtan de bi kurdî "Ez livir im" bersiv dan û yên din bi tirkî bersiv dan.

NÛNERÊN SENDÎKAYÊ NAVNETEWEYÎ RÛNŞTINÊ DIŞOPÎNIN

Serokê Sendîkayên Karmendên Îsveçê (TCO) Eva Nordmark, Serokö Federasyona Rojnamegerên Ewropa Arne Konîg, Sekreterê Têkiliyên Navneteweyî yê TCO'yê Thomas Janson,Nûnerê Sendîkaya Mamosteyan Krîstîna Stulterheîm, Nûnerê Sendîkaya Karmedên Dewletê Dan Nîelsson, Konfederasyona Sendîkayên Navneteweyî (ÎTUC), Nûnerê Departmana Mafên Mirovan a ÎTUC'ê Frank Wîllîams, Konfederasyona Sendîkayên Karmendên Îsveçê (TCO), Sendîkaya Mamosteyên Tirk a Kibrîsê (KTOS), Sendîkaya Mamosteyên Fransa (SNES-FSU), Sendîkaya Mamosteyên Îngîltereyê (NASUWT) û gelek rêveberên sendîkayên din tevlî rûniştinê bûn. Ligel nûnerên sendîkayan parlementerên BDP'ê Demîr Çelîk, Sirri Sakik, Erol Dora, Halîl Aksoy, Levent Tuzel, parlementerên CHP'ê Sezgîn Tanrikulu, Huseyîn Çelebî, Huseyîn Çam, Gerînendenê Giştî yê Rojnameya Ozgur Gundemê Huseyîn Aykol, Sekreterê Giştî yê TÎHV'ê Metîn Bakkalci, Seroka Giştî ya EMEP'ê Selma Gurkan, Serokê Giştî yê DÎSK'ê Kanî Beko, BDP, HDK, EMEP, SDP, ESP, Hewildana 78'an, Sendîkaya Genel-Îş û Halkevler tevlî rûnşitinê bûn.

'AKP POTANSIYELA MUXALEFETÊ DIKE SÛCDAR DIBÎNE'

Sekreterê Giştî yê KESK'ê Îsmaîl Hakki Tombul li ber edliyeyê daxuyanî da û diyar kir ku, hikûmeta AKP'ê li aliyekî behsa "Demokrasiya pêşketî" dike li aliyekî ber bi dîktatoriyê ve diçe û wiha got: "Hikûmeta AKP'ê pişta xwe daya makezagona darbeya leşkerî ya 12'ê îlonê û her roj ber bi faşîzmê ve diçe. Hikûmeta hemû kesên muxalîf weke 'sûcdariyan terorê dibîne' Kesên têkoşîna maf û azadiyan dikin ji aliyê dad, poîls û çapameniyê ve weke hedef tên nîşandan."

Nûnerên Sendîkaya Mamosteyên Tirk a Kibrîsê (KTOS), Sendîkaya Mamosteyên Fransa (SNES-FSU), Sendîkaya Mamosteyên Îngîltereyê (NASUWT),Nûnerê Departmana Mafên Mirovan a ÎTUC'ê Frank Wîllîams û Konfederasyona Sendîkayên Karmendên Îsveçê (TCO) jî piştîgirî dan daxuyaniyê.

Berî rûniştinê Serokê Giştî yê KESK'ê Lamî Ozgen diyar kir ku di şexsê KESK'ê de li Tirkiyeyê hemû têkoşîna demokrasî û kedê û derdorên muxalîf tên darizandin.

NAVÊN KESÊN TÊN DARIZANDIN

Navên kedkarên di dozê de tên darizandin wiha ne: Abdulganî Cayhan, Abdulkadîr Baydur, Abdullah Karahan, Ahmet Koçyîgît, Alîcan Kaplan, Alîpaşa Şanli, Aykut Erhan Turgut, Ayten Tekeş, Bekîr Gurbuz, Belgîzar Sazak, Bulent Kaya, Cebraîl Arslan, Cemîl Ozen, Cemîle Duman, Cengîz Paycu, Cezmî Gunduz, Cîvan Yildirim, Çerkez Aydemîr, Denîz Bozbey, Devrîm Kahraman, Emel Emre, Erdal Turan, Erdal Yilmaz, Faîk Delî, Feruh Çelîk, Fîkret Çalagan, Hadî Aslan, Hamdullah Yildirim, Hanim Koçyîgît, Hasan Kaldik, Hasan Olgun, Hayatî Mehmetoglu, Îlhan Akbaş, Îsmaîl Remzî Kaya, Îzzettîn Alpergîn, Îzzettîn Ekîn, Kasim Bîrtek, Lamî Ozgen, Lokman Ozdemîr, Mehmet Arda, Mehmet Bozgeyîk, Mehmet Sadik Varlî, Mehmet Sezgîn Îbîn, Mehmet Siddik Akin, Mesut Firat, Metin Vuranok, Murat Îrfan Işik, Mustafa Bozan, Mutahîr Karakuş, Muzahît Karakuş, Nîhat Kilinçalp, Niyazî Yilmaz, Osman Îşçî, Ozkan Yorgun, Reşît Sunbul, Sadrettîn Kaya, Sakîne Esen Yilmaz, Salîh Ersan, Seyran Şik, Sîbel Anil, Sînan Gunduz, Sînan Muşlu, Şahîn Kayikçi, Şerîf Îldogan, Tarik Kaya, Veysel Ozhektî, Yilmaz Guneş, Yilmaz Meşelî, Yilmaz Yildirimci, Yunus Akil, Yusuf Kosele û Zeyyad Ceylan.