Di aktivîteya bi deqeyek rêzgirtina ji bo giyanê şehîdê şoreşê ve destpê kir de ji endamê komîteya PJAK’ê Hemît Nergî axivî. Nergî bibîr xist ku bi saya felsefe û îdeolojiya Ocalan Kurd li çar paçeyên Kurdistanê rabûne ser lingan û bi saya vê felsefê li Rojavayê Kurdistanê jiyan ji nû ve tê avakirin.

Li ser navê Navenda civaka Demokratîk a Kurd a Karlstadê Memed Bazîd jî diyar kir ku li Rojhilata Navîn a ku kaos, kirzî û şer jê xilas nabe yekane rêya çareseriyê projeya Ocalan a konfederalîzma demokratîk e.

Bazîd bibîr xist ku gel Kurd bi ti awayî tecrîda li ser Ocalan na pejirîne û got: “Ji bo gelê Kurd û dostên wan vê tecrîdê bi dawî bike divê hê xurtir têkoşînê bike.”

Dîsa di dewama bernameyê de li ser navê Partiya Keskan a Derdorparêz Asa Zend jî axivî û bal kişand ser êrîşên dewleta Tirk û şidandina tecrîda li ser Ocalan û got: “Tirkiye bi vê pêkanînê li dijî hiqûqa navneteweyî tevger dike.” Zend daxwaz kir ku divê leşkerên Tirk ji Efrînê bên derxistin.

Kurdistaniyan bernameya pîrozbahiyê bi gerandina govend û dirûşmên “Bijî Serok Apo” û “Bê Serok Jiyan Nabe” ve bi dawî kirin.