Şanogerê navdar Sven Wollter û Serokê berê yê Yekîtiya Nivîskarên Swêdê û şefê çandê yê berê yê rojnameya Aftonbladetê Peter Cûrman jî di nav de 16 hunermend û rewşenbîran daxuyaniyeke hevpar weşandin.

Di daxuyaniyê de zextên li ser çanda Kurd, qedexekirina dokûmanterên "Bakur" û "Nû Jîn" her wiha cezakirina derhêneran hate şermezarkirin.

Hunermend û rewşenbîran bang li Wezîra Çandê ya Swêdê Amanda Lînd kirin ku li dijî zexta li çand û hunera li Tirkiyeyê rawestin û piştevaniya derhênerên li Tirkiyeyê hatine girtin bikin.

Li Journalîstekê jî ku navgîna weşanê ya Federasyona Rojnamevanên Swêdê ye, di hejmara vê hefteyê de û li sîteya wê ya înterntê gotarek bi sernivîsa "Amanda Lînd piştevaniya belgeselkaran bike" hate weşandin.

Rewşenbîr û hunermendên ku mohra xwe danîn binê daxuyaniyê:

Sven Wollter (Şanoger), Peter Curman (Nivîskar û Serokê berê yê Yekîtiya Nivîskarên Swêdê), Serpil İnanç (Şanoger), Lennart Asp (Wênevan), Christina Glaeser (Kedkara çandê), Fred Lane (Muzîsyen), Bengtis Hansson (Muzîsyen), Stina Bengtson (Hunermend), Kemal Görgü (Şanoger), Ragıp Zarakolu (Rojnamevan-Nivîskar), Azar Mahloujian (Nivîskar), Benjamin Moliner (Şanoger), Hicran Duran (Rojnamevan), Kicki Oskarsson (Muzîsyen), Murat Kuseyri (Rojnamevan), Agneta Norberg (Serokê Konseya Aştiyê ya Swêdê).