Wezareta Karên Deve ya Elmanyayê hewl dide qedexeya li ser parlamenter Hûnko hatiye danîn, rake.

Di daxuyaniya wezaretê de hate gotin, "OSCE jî ji ber vê bûyerê bi Tirkiyeyê re dide û distîne."

Wezaretê got; "Endamên OSCE'yê di mijara çavdêrkirina hilbijartinê de xwedî roleke girîng in û bi vî awayî dewleta hiqûq û demokrasiyê jî xurt dike.” 

Partiyên siyasî jî li ber vê biryara dewleta Tirk rabûn. Parlamentera Partiya Çep a Elman (Die Linke) Sevîm Dagdelen, ji bo hilbijartinên 24'ê Hezîranê got; "Ev hilbijartin wê bi awayekî azad û dadwer neyên kirin. Serokkomarê Tirk Recep Tayîp Erdogan, dixwaze dîsa bê hilbijartin û hêza xwe bi referandûma dayî pejirandin bide firehkirin."

Parlementerê Partiya Çepgir û çavdêrê hilbijartinê yê OSCE’yê Andrej Hûnko jî ji saziya medyayê ya Elman DW’ê re axivî û got; "Ez, ji bo biçim Tirkiyeyê li Viyanayê li balafirê siwar bûm. Lê belê destûr nedan û ez ji balafirê peya kirin. Ev ne hiqûqî ye. Bêguman di vê mijarê de navgîneke OSCE'ê ya danekirinê nîn in. Ev jî her tim dibe pirsgirêk."

Wezîra Karên Derve ya Swêdê Margot Wallstrom, di derbarê vê destûrnedanê de daxuyanî da û got, "Ne ya qebûlkirinê ye ku destûr ji çavdêrekî OSCE re neyê dayin."