Îro sibehê polîsan li navçeya Gebze ya Kocaeliyê bi ser gelek malan de girtin. Di encama serdegirtinên malan de Muhammet Zaman, Taner Aslan û Kadîr Ankay hatin binçavkirin. Sedema binçavkirinê nehat zanîn û tê payîn ku hejmara binçavkiriyan zêdetir bibe. 

AMED

Li navçeya Farqîn a Amedê jî polîsan danê sibehê bi ser gelek malan de girtin û gelek kes ku di nav de endamên Meclîsa Ciwanan a Partiya Wekhevî û Demokrasiyê (HEDEP) jî hene hatin binçavkirin. Hat zanîn ku kesên hatine binçavkirin derbasî Midûriyeta Polîsan a Farqînê hatin kirin. Sedema binçavkirinan nehat zanîn. 

Navên çend binçavkiriyan wiha ne: Mizbah Mûnar, Kenan Kaydû, Abdullah Arşîment, Hasan Yanik, Veysî Soliyaz û Farûk Koday.

MÊRDÎN

Li navçeya Dêrikê ya Mêrdînê jî di serdegirtina malan de 6 kes hatin binçavkirin. 6 kesên ku bi îdîayê derbarê wan de gilî heye, birin Midûriyeta Polîsan a Bajêr.