Li bajarê Awûstûrya Înnsbrûckê, qetilkirina Serokê Baroya Amedê Tahîr Elçî bi çalakiyeke girseyî hat şermezarkirin.

Kurdistanî û dostên wan ên li eyaleta Tîrol a Awûstûryayê dijîn, bi pêşengiya Yekîtiya Hêzê ya Demokratîk a Tîrolê, qetilkirina Serokê Baroya Amedê Tahîr Elçî ji aliyê polîsan ve, protesto kirin.

Girseya gel danê êvarê saet di 18:00 de bi armancê li ber Peykerê Annasaeule civiya û ji bo bîarnîna Elçî û hemû cangoriyên têkoşîna azadiyê deqeyek rêz girt. Di çalakiyê de pankart û wêneyên ji bajarên Kurdistanê yên bi qedexeya derketina derve re ji aliyê hêzên dewletê ve hatine wêrankirin û sivîlên ji aliyê çekdarên dewletê ve hatin qetilkirin, hatin hildan.

Li ser navê Yekîtiya Hêzê ya Demokratîk a Tîrolê Mahmût Mûnzûr li vir peyivî û got, "Bûyerên dawî yên li Kurdistanê diqewimin û qetilkirina Tahîr Elçî ji aliyê dewletê ve, nêrîna dewletê ya li Kurdistanê û gelê Kurd bi awayekî zelal radixe pêş çavan."

Di çalakiyê de, di şexsê Elçî de ji bo cangoriyên têkoşîna azadiyê ya Kurdistanê find hatin pêxistin.