Şaxa Ûppsala ya Partiya Çep ji ber qedandina grevên birçîbûnê daxuyanike çapemeniyê ya nivîskî weşand. Di daxuyaniyê de hate gotin ku “Demokrasî û têkoşîna mafên mirovan bi ser ketiye.”

Piştî peyama Rêberê Gelê Kurd Abdullah Ocalan a ku bi rêya parêzerên xwe dabû, çalakgerên greva birçîbûnê û rojiya mirinê çalakiyên xwe bi dawî kiribûn. Partiya Çep diyar kir ku di dema çalakiyên greva birçîbûnê de ew bi çalakgeran re bûn.

Daxuyanî ji aliyê Serokê Şaxa Ûppsalayê û Berpirsa Têkiliyên Navneteweyî Yekbûn Alp hate dayîn. Di daxuyaniyê de hate gotin ku “Em ê her dem bi têkoşîna Kurdan a ji bo mafên mirovan û demokrasiyê bin. Têkoşîna we, ya me ye jî.”

Partiya Çep a Swêdê bi destpêkirina çalakiya Leyla Guven a greva birçîbûnê ya di 8’ê Mijdara 2018’an de alîkarî û piştgirî dabû çalakiyê. Parlementer û rêveberên Partiya Çep gelek caran hatibûn serdana çalakiya greva birçîbûnê ya li Strasboûrgê û peyamên piştgiriyê dabûn.

Parlementera Partiya Çep Danîel Rîazat ji bo piştgiriya çalakgeran 3 rojan ketibû greva birçîbûnê.

Parlementerên Partiya Çep Amîneh Kakabavev û Berdevkê Polîtîkaya Derve Hokan Svennelîg jî li Parlementoya Swêdê grevên birçîbûnê anîbûn rojevê û ji Wezîra Karê Derce Margot Wallstrom xwestibûn ku ji bo tecrîd were rakirin bila têkeve nav hewldanan.