Parlamenterê berê yê Partiya Demokratîk a Gelan Halîl Aksoy ê 77 salî, 23ê Mijdarê roja Pêncşemê danê sibehê hate binçavkirin.

Hat ragihandin ku bi hinceta ku cezayê Aksoyî esehî bûye hatiye binçavkirin.

Hevserokê Giştî yê Partiya Wekhevî û Demokrasiyê ya Gelan (HEDEP) Tuncer Bakirhanî, derbarê binçavkirinê de li ser medyaya civakî ev yek parve kir: “Parlamenterê me yê berê Halîl Aksoy duh danê sibehê ji ber ku cezayê wî teqez bûye, hate binçavkirin û şandin Girtîgeha Metrîsê. Kesên çete û kujeran bi hiqûqê diparêzin bi hiqûqeka dijminane nêzî siyasetmedar û mixalifan dibin. Em soz didin ku em dê vê fergala rizîyayî û neadil têk bibin. Divê demildest Aksoyê 77 salî û nexweş, cezayê wî bê taloqkirin û bê berdan.

Hate ragihandin ku Aksoy bi dozeka bi îdîaya "endamtiya rêxistinê" dihat darizandin, 8 sal û 9 meh cezayê girtîgehê lê hatiye birîn û Aksoy şandine Girtîgeha Tîpa R ya Metrîsê.