Parêzerên Rêberê Gelê Kurd Abdullah Ocalan Cengîz Yureklî, Mazlûm Dînç û Mûharrem Şahîn ji bo muwekîlê xwe bibînin serî li Serdozgeriya Komarê ya Bûrsayê dan.

Hemû serlêdanên parêzeran ên heta niha hatine kirin bi hincetên "rewşa nebaş a hewayê", "xerabûna keştiyê", "tamîrkirina keştiyê" û "rewşa awarte" nehatin qebûlkirin.

Parêzeran herî dawî 27'ê Tîrmeha 2011'an Ocalan dîtibûn. Ji hingî ve 761 car in serî lê didin, lê dikin nakin destûrê nastînin.