XARPÊT

Piştî erdheja li Sîvrîceya Xarpêtê, fikar bi xizmên girtiyên di Girtîgeha Xarpêtê de çê bûbûn. Piştî vê parêzerên Şaxa Komeleya Hiqûqnasên ji bo Azadiyê (OHD) a Amedê çûn girtîgehê. Parêzer, hevdîtin bi girtiyan û îdareya girtîgehê re çê kirin.

Parêzeran, diyar kir ku di dema erdhejê de deriyên hewadariyan nehatine vekirin û gotin, li girtîgehê tu xeaserek çê nebûye û rewşa girtiyan baş e.

Her wiha parêzeran anî ziman ku îdareya girtîgehê hiştiye girtiyên malbatên wan li Xarpêt û Meletiyê ne telefonî malbatên xwe bikin, lê belê girtiyên din jî wê di nêz de karibin telefonî malbatên xwe bikin.

MELETÎ

Her wiha parêzer çûn Girtgeha Tîpa E ya Meletiyê jî û li vira jî hevdîtin bi girtiyan û îdareya girtîgehê re çê kirine. Parêzeran, anî ziman ku li girtîgehê tu prisgirêk tuneye, lê belê li vira jî di dema erdhejê de deriyên hewadariyan nehatine vekirin.