Artêşa Tirk herêma Oremar ya ser bi navçeya Gevera Colemêrgê topbaran kir, her wiha li Şirnexê jî liv û tevgera hewayî pêkhat.

Di demek ku gêrîlayên di pozîsyona vekişînê de ne, artêşa Tirk hêjan herêmên di bin kontrola HPG’ê de topbaran dike. Navenda Çapemenî-Ragihandina HPG’ê (HPG-NÇR) ragihand ku, “16’ê Gulanê di demjimêrên navbera 04.00 û 05.00’an de artêşa Tirk ya dagirker herêma Şehîd Rehîma ya girêdayî devera Oremar  ya ser bi navçeya Gever ya Colemêrgê ve daye ber obîs û hawana. Li beramberî wê hêzên me yên gêrîla jî bi çekên giran bersiv dane bombebaranên dijmin.”

HPG-NÇR’ê di derbarê tevgera hewayî ya li Şirnexê jî agahî dan û da diyarkirin ku, balefirên şer yên artêşa Tirk li herêmên Besta, Gabar û Cûdî yên Şirnexê nizim firiyane.