Operasyonên qirkirina siyasî yên dewleta Tirk didomin. Li Edene, Osmaniye, Riha û Dîlokê bi ser malan de girtin û gelek kes hatin binçavkirin. 

EDENE

Li navçeya Ceyhana Edeneyê polîsan bi ser gelek malan de girt. Ahmet û Şerîf Bahadir jî di nav de gelek kes hatin binçavkirin.

OSMANIYE

Li Osmaniyeyê di serdegirtina malan de Berdevkê Partiya Herêman a Demokratîk (DBP) Îsmaîl Esen û Hevserokê Giştî yê Partiya Wekhevî û Demokrasiyê ya Gelan (HEDEP) Muslum Çagan hatin binçavkirin. Hate zanîn ku Çagan û Esen birin Midûriyeta Polêsan a Osmaniyeyê.

RIHA 

Li Taxa Yenîce ya navçeya Eyyûbiye ya Rihayê Mahmut Înanç (18) di serdegirtina mala wî de hat binçavkirin. Înanç birin navenda TEM'ê. Der barê binçavkirina Înanç de tu agahî nedan malbata wî.  

DÎLOK

Endamê Meclîsa Ciwanan a HEDEP'ê Abdurrahman Elmas (26) di serdegirtina malan a li Taxa Karacaoglan a navçeya Şehîdkamil a Dîlokê de hate binçavkirin.