Demîrcî berî çend rojan hatibû Stenbolê. Polîsên Tirk danê sibehê saet 4'an avêtin ser mala ku ew lê dima û ew destgîr kirin.

Federasyona Karkerên Koçber li Ewropayê (AGÎF) xwest, Adil Demîrcî tavilê bê berdan.

Di daxuyaniya nivîskî ya AGÎF'ê de hate gotin, "Adîl Demîrcî hemwelatiyên Tirkiye û Elmanya ye û li Elmanyayê weke zanyarê civakî dixebite, ji bo mafên civakî û siyasî yên koçberan têdikoşe. Ji bo berdana Demîrcî em ê bi her awayî hewl bidin. Eger tavilê neyê berdan, em ê vê helwesta dewleta Tirk li kolanan teşhîr bikin."