Nobeda 'Azadî ji Ocalan re' ku li ber avahiya Konseya Ewropayê ya li bajarê Strasboûrg ê Fransayê tê girtin, kete hefteya 316'an. Nobedarên vê hefteyê endamên Navenda Yekîtiya Komeleyên Êzidiyan (NAV-YEK) e ku ji Elmanyayê tevlî çalakiyê bûne. Endamên koma nû Wezîr Nemo, Hasan Aksû, Cafer Nas, Mehmet Ozek û Adar Nas in.

Endamên NAV-YEK'ê nobed roja Yekşemê ji koma Kîelê dewr girtin û bang li Konseya Ewropayê û Komîteya Pêşîgirtina li Êşkenceyê (CPT) kirin ji bo bi erk û berpirsyariyên xwe rabin.

Bi navê komê daxuyaniyke hate dayin û hate ragihandin ku bi tevlîbûna li çalakiyê re ew dixwazin bang li Konseya Ewropa û CPT bikin ku xwedî li mafên Ocalan derkevin.

Endamên komê diyar kir ku Ocalan di dîroka Kurd û Kurdistanê de sîstema herî pir alî û demokratîk pêşniyar kiriye û xistiye meriyetê. Nobedaran destnîşan kir ku gelê Kurd ancax bi Ocalan bibe xwedî paşerojeke azad û ji hemû Kurdên li welêt û derveyî welêt hate xwestin ku daxwaza azadiya Ocalan bikn.

Çalakgeran dan xuyakirin ku ew dîlgirtina Ocalan a nêzî 20 sal in didome qebûl nakin û gotin, "Felsefeya Ocalan ne tenê ji bo gelê Kurd e, her wiha ji bo jiyaneke hevpar û aştiyane ya hemû gelên Rojhilata Navîn e. Jiyana bi rengekî azad û xwişk-biratiyê, bi sîstema Serok Apo dibe ku derfeta jiyna bi hev re dide hemû gelan û baweriyan."