Gurbuz Topçu ji bo proteza çav ew ji Girtîgeha Tîpa S a Bodrûmê sewqî Saziya Înfaza Ceza ya Ya Ewlekariya Zêde ya Tîpa F a Nimreya 2’an a Sîncanê kiribûn.

Girtiyê nexweş bêyî ku were tedawîkirin ji sê nexweşxaneyên cihê şandin girtîgehê.

Gurbuz Topçû berê sewqî beşa Polîklînîka Çavaan a Nexweşxaneya Bajêr Etlîkê ya Enqereyê hat kirin.  Bi hinceta ‘rewşa wî ji bo protezê ne guncav e’ ew vegerandin.

Piştre ew sewqî Nexweşxaneya Bajêr a Bîlkentê ya Enqereyê kirin lê dîsa bi heman hincetê nehate tedawîkirin û wê carê ew sewqî Fakulteya Tipê ya Zanîngeha Enqereyê kirin. Encam dîsa neguherî. Topçû nehate tedawîkirin û ew dîsa şandin Girtîgeha Sîncanê.

Li gorî parêzeran Topçu ji ber ku li Girtîgeha Tîpa F a Sîncanê bi hinceta ku jimartina li ser piyan qebûl nekiriye, ew xistine odeya yekkesî.

Parêzeran diyar kirin ku Topçû xwestiye dîsa biçe Girtîgeha Tîpa S a Bodrûmê lê vê daxwaza wî bi kêfî nehatiye qebûlkirin.

Hate diyarkirin ku girtiyê nexweş Topçu ji 3’ê Tebaxê û vir ve bi tena serê xwe derdikeve sohbetan û li girtîgehê pirtûkan jî nadin wî.