Kurdistaniyên li bajarê Awûtralya Melboûrne dijîn cejna Newrozê pîroz kirin. Pîrozbahî ji aliyê Navenda Civaka Demokratîk a Vîctorîa (NAV-KURD) ve hat organîzekirin û bi hezaran kes beşdar bûn.

Li dû deqeyeke rêzgirtinê ji bo bîranîna cangoriyên têkoşîna azadiyê Hevseroka NAV-KURD'ê Fatoş Yilmaz peyivî û Newroz li hemû Kurdistaniyan pîroz kir. Yilmaz diyar kir, berxwedana li hemberî êrîşên qirkirinê her mezin dibe.

Parlamentera Partiya Keskan Colleen Heartland, Şaredara Morelandê Samantha Ratnam, namzetê Partiya Karker ê Herêma Wîlls ê Parlamentê Peter Kahalîl û nûnerên gelek saziyan li pîrozbahiyê peyam pêşkêş kirin û Newroz pîroz kirin.

Pîrozbahî bi gerandina govendê û teqandina fîşekên hewayî bi dawî bû.