Newroz li gundê Araksê yê Oktonberiya ya Ermenîstanê hat pîrozkirin. Ji gundên derdorê bi dehan kes li vê derê li hev kom bûn.

Tevî barîna berf û baranê jî, gelek kes tevlî pîrozbahiyê bûn û bi şewitandina bi dehan lastîkan re agirê Newrozê hat dadan.

Di axaftinên li vê derê de ragihandina Federasyona Demokratîk a Rojava-Bakurê Sûriyeyê û berxwedanên xwerêveberiyan ên li Bakurê Kurdistanê hatin silavkirin.

Girseya gel a wêneyên Rêberê Gelê Kurd Abdullah Ocalan û ala PKK'ê vekir, dirûşmên "Bijî Serok APo" qîriya.

Pîrozbahî bi gerandina govendê bi dawî bû.